Jammu & Kashmir-a inbiakpawhna tihtawp a nih a\angin thla hnih a liam tawh a, mobile post-paid zawng zawng karleh Thawh\anni a\angin tihnun a ni dawn tih J&K thuneituten an puang.

J&K Principal Secretary Rohit Kansal chuan service provider thliar hrang lovin tun thla ni 14, Thawh\anni a\angin postpaid zawng zawng tihnun a ni tawh dawn tih a puang a, hei hian J&K a huam vek dawn tih a sawi bawk.

Sorkar laipuiin August ni 5-a J&K dinhmun a tih danglam avang khan buaina chhuak thei ven nan inbiak pawhna zawng zawng a titawp vek a, sipai tam tak a tir lut bawk a ni. Politician 100 vel pawn chhuak thei lova a hren bakah khualzinten an tlawhpawh loh nan khapna thupek a chhuak bawk a, hmun \henkhatah khuahkhirhna hlih ni tawh mah se, ramri hrula awmte erawh buaina chhuak thei a la nih reng avangin a la khuahkhirh chhunzawm zel a ni.