Article 370 paih a nih chungchang khinletna tam tak Supreme court-a lut te hi Judge panga awmna, Justice NV Ramana kaihhruaiin a ngaihtuah mek a, Supreme Court hian January ni 23 khan Judget tam zawk awmna Bench ngaihtuahtir tur a ni em tih hi a lo ngaihtuah tawh a ni.
Nikum August thla khan sorkar laipui chuan Jammu and Kashmir inhung bikna chu \hiatin Union Territory pahnihah a \hen a, buaina chhuak thei venna turin political party hruaitu langsar tak tak te che chhuak thei lovin a khungbet zui a, chung zingah chuan Chief Minister hlui pathum, Farooq Abdullah leh a fapa Omar Abdullah bakah Mehbooba Mufti te pawh an tel a, Public Safety Act hnuaiah heng mi te hi khungbeh an ni. He dan hnuaiah hian Court-in an thubuai a ngaihtuah kher ngai lovin thla thum chhung inkhung beh theih a nih piah lamah, thla thum aia rei pawh pawhsei zel theih a ni.
