UN Secretary General Antonio Guterres chuan Pakistan tlawhin, ram pahnihten an remtih chuan Jammu and Kashmir chungchangah palai hna thawh a inpeih thu a sawi a ni.
External Affairs Ministry thupuangtu Raveesh Kumar chuan Jammu and Kashmir chungchangah India dinna a la ngai reng a, India ram chhung dik tak a ni a, Pakistan in a awp chin a\anga mifirfiakte chetna thleng \hin tih tawp leh Pakistan-in a chhuahsan dan tur chu ngaihtuah a ngai zawk a ni a ti a, chumi piah lam thil pawimawh dangte chu ram pahnihin inbiakna hmang an chinfel tur a ni a, pawn lam mi an inrawlhna tur chhan a awm lo a ni a ti.
Kumar hian UN Secretary General chuan ramri kana Pakistanin firfiaka chetna a thlentir \hin tih tawp dan tur a ngaihtuah a beisei thu a sawi tel bawk.
Nikuma Jammu and Kashmir-a mifirfiakten CRPF mi leh sa 40 te thih chilha an tih hlum hnuah India leh Pakistan inkar boruak a \ang chho hle a, August thla khan India chuan State an nihna chu hlipin Union territory pahnihah a \hen a, khuahkhirhna khauh tak hnuaiah a vawng zui a ni.
