Turkey President hian Pakistan Prime Minister Imran Khan nen an inkawmnaah Kashmir chungchangah Pakistan chu Turkey in a thlawp tih a hrilh a, thu chhuah in\awm an siama he thil lo lang chungchangah hian India chuan Jammu and Kashmir chungchang an sawilante chu India in a pawm lo a, India ram chhung dik tak a nih avangin ram dangin sawi tur an nei lo a ni a ti.
India Foreign Ministry thupuangtu Raveesh Kumar chuan Turkey ram hruaitulu chu India ram chhung thila inrawlh lo turin an hrilh tih a sawi a, Pakistan thlawp-a mifirfiakten India an tih buai dan leh thil awmdan dik tak chu a hriat a \ul a ni a ti.
Turkey President Erdogan hian Kashmir mipuite chuan harsatna nasa tak an tawk tih sawiin, tunhnaia India in thutlukna a siam chuan an harasatna a belhchhah a ni a ti a, Kashmir chungchang chu Pakistan ang bawkin Turkey chuan a ngai pawimawh tih sawiin, rorelna dik a awm theina tura inbiakna hmanga harsatna chinfel chu Turkey in a duh a ni tih a sawi a ni.
Nikum September thlaah pawh khan President Erdogan hian UN General Assembly ah Kashmir chungchang hi a lo sawi chhuak tawh a. khami \um pawh khan India chuan Erdogan-a thusawi hi a pawm loh thu leh Kashmir chungchang chu India ram chhung thil liau liau a nih thu a lo sawi tawh a ni.
