Jammu and Kashmir Bandipore-a kum 3 mi pawngsual a nih vanga mipui te’n lungawilohna an lantir laiin kum tling lo hmeichhe naupang dang pawngsual leh a ni.

Kar hmasa khan Bandipore-a Sumbal bial-a hmeichhia kum 3 mi pawngsual a nih hnuah zirna in te kharin Jammu and Kashmir mipuite hian lungawi lohna an lantir a, pawikhawihtu hian kum tling lo nia insawiin a zirna sikul certificate a thehlut a, a kum zat hi endik mek a ni. Hetih lai hian Pathianni khan Harran khua-a Ganderbal bial-ah chhungkaw pakhatin kum 20 mi Muhammad Aasif Wani lakah thubuai thehlutin an fanu tleirawl chu pawngsual-ah an puh a, Indian Penal Code section 451 leh 376 hnuaiah leh Protection of Children from Sexual Offences Act section 4-na hnuaiah thubuai hi ziahluh a ni. Doctor te’n hmeichhe naupang hi an endik hnuah, he thubuai hi a rang lama chinfel a nih theih nan special investigation team din a ni.