Sorkar laipui chuan Article 370 hlih a nih hnuah Jammu and Kashmir ah hian August ni 5 a\ang khan mobile phone inbiakpawhna leh landline te a ti tawp a, hetianga sorkar khuahkhirhna hi mi tam takin an sawisel a, United Nations leh US Sorkar pawh a sawiseltu zingah an tel a ni.
Citizenship Amendment Act hnuaia khua leh tui nihna diltuten an awmna ramah sakhuana thila tihduhdah an tawk ngei tih finfiahna an neih kher a \ul lo a, sorkarin ruahmanna fel tak a siam dawn tih BJP thluak bur zinga mi, Assam Minister Himanta Biswa Sarma-a’n a sawi.
Himanta hian sakhuana thila tihduhdah an tuar ngei tih finfiahna lehkha neih ngaihna a awm lo nia sawiin, Bangladesh Police station a\angin chutiang lehkha pe chhuak tura beisei chi a ni lo ang a ti a, kum 2014 hmalama India-a lo lut tawh an ni tih finfiahna an neih chu a tawk a, sorkar laipui chuan an awmna hmasaah nekchepna an tuar a ni tih hriat theih dan tur ruahmanna a siam thung dawn a ni a ti.
Dodalna nasa tak karah Citizenship Amendment Act hi hapta liamta a\ang khan hman \an a ni a, he dan hnuaiah hian kum 2014 December ni 31 hmalama Pakistan, Afghanistan leh Bangladesh a\anga India rama lut, Muslim ni lo sakhaw dang betute chu India khua leh tui nihna pek theih an ni dawn a ni.
