Adil Ahmad Dar hi kum 22 mi a ni a, bomb a tihpuahna hmun atanga km 10 vela hla, Pulwama-a Kakapora-a cheng a ni a, “Waqas Commando of Gundibagh” ti te pawhin an lo ko tawh \hin a, video thlalak-ah hian rifle, grenade leh magazine te kengin Kashmir mi, a bik takin Muslim mi te’n harsatna rapthlak tak an tawk niin a sawi a, Kashmir chu India sorkar-in tharuma a hneh theih loh avangin an sakhua a bei niin a sawi a, an sakhaw zahawmna kalsan turin a thlem niin a sawi bawk a ni.
Dar-a chhungte chuan an fapa hi kum 2016 khan India sipaite’n lunga sipai vawmtute zinga tela an puh avangin sipaite hian kut an thlak niin an sawi a, heta \ang hian India sipai huatna a neih \an thu leh nikum March thla a\ang khan a chin an hriat tawh loh thu an sawi bawk.
Puan tawh angin Pulwama inbeihnaah khan CRPF sipai 40 an thi a, Home Minister Rajnath Singh-a chuan he inbeihna hi na taka chhan let ngei a nih tur thu a sawi a ni.
