UN-in Masood Azhar-a khuahkhirh tura rawtna a siam a tih khawtlaina China in a hnuhlet hnuah Azhar-a chu mifirfiak hlauhawma puangin khuahkhirh a ni thei dawn ta a, a sum leh pai hmang thei loa siamin, zinchhuah leh ralthuam hmanga sumdawn pawh khapsak a ni dawn ta a ni. Masood Azhar-a khuahkhirh tumin kum 10 chhungin rawtna 4 siam a lo ni tawh a, \um thum China-in a dan hnuah a \um li-naah hian a tlang thei dawn ta a ni.
India palai leh UN-a India aiawhtu Syed Akbaruddin chuan mifirfiak te dolet kawnga khawvel ram hrang hrang te inlungrualna azarah Azhar hi hrek a nih theih dawn tak avangin India hi khawvel ramte chungah lawmthu a sawi a ni a ti a, mifirfiak te do kawngah hma an lak zel tur thu a sawi bawk.
US sorkar chuan Masood Azhar-a khuahkhirh a nih theih dawn tak avangin lawmthu an sawi bawk a, Pakistan Prime Minister Imran Khana’n a \ha zawnga hma laa ram kalphung thlak a tumna chu an ram sipaite pawhin an thlawp a ngai tih US chuan a sawi.
