Jaipur-a buaina chhuak avangin internet service tihtawp a ni

Jaipur-a tualchhung buaina-in ziaawm lam a la pan thei lo a, hmun tam zawkah internet service tihtawp a la ni a, Ramganj leh a chhehvelah pawh curfew puan chhunzawm zel a ni. Puan tawh angin Zirtawpni khan mipui pungkhawm hnawh darh nan police ten silai an hmet puak a, mi pakhat, Raees kahhlum a nih avangin pung khawmte hian kawlphetha pek chhuahna hmun leh lirthei eng emaw zat an hal a ni. Mipui thinrim chhan hi police-ten lirthei an dap laiin, bike pakhat tlanchhiat tum hnunga chuang, hmeichhe pakhat chu Police-te hian an vua nia sawi vang a ni a, Inrinnia mipui pungkhawm leh police-te innek buainaah khan police paruk an hliam bakah motor chi hrang hrang 24 tihchhiat a ni a, police bus leh ambulance te hal a ni bawk. He buaina chhuahna hmun, Ramganj-ah chuan curfew puan a nih bakah Delhi leh Agra inkar kawngpui chu khar a ni a, hmun tam zawkah chuan internet service tihtawp a ni bawk. Jaipur-a Muslim pawl hrang hrangte chuan Rajasthan khawpui-ah hian tharum tel lova punkhawm an tum thu an sawi a, Raees-a chhungte chuan a ruang hi endik an remti lova, zangnadawmna, cheng vbc. khat leh sorkar hna p>k an ph<t b^kah, Ramganj police station-a thawk zawng zawng hrem an phut a ni. State CM, Vasundhara Raje leh Home minister, Gulab Chand Kataria chuan he thil thleng chungchangah hian engmah an la sawi lo a ni.