Central YMA-in vawiin khan Aizawl Central Jail-a Prisoners Welfare Committee hnenah Sound system pahnih leh a behbawm hmanraw dang eng emaw zat a pe a. Hemi puala inkhawm tawi neihah Central YMA Vice President, Pu R Lalngheta chuan, heng hmanruate hi harsa tak chunga an pek a nih avangin dim tak leh uluk taka hmang turin a ngen a ni. He thilpek hlannaah hian Asst Secy., Pu Peter Chhakchhuak, Fin. Secy., Pu Fabian Lalfakawma leh CEC member, Pu Z. Dengthansanga, Pu Lalngaihawma, Tv. Zochhuana leh Pu Lalbiakkunga an tel a ni.
