ITI MHIP member-te hian SOG hmunah kalchilhin, buhfai bag 5, dal leh alu bag 2 ve ve, tel case 1, chini leh thawmhnaw engemawzat an pe a ni. Thilpek hlanna inkhawm tawi neih hi MHIP General Hqrs. President, Pi Lalthlamuani’n a hmanpui a, tunlaiin MHIP-in harsatna an tawk mek tih sawiin, tunah pawh Court-a inlan an la hmabak a, khawvel roreltute hmaah chuan mi \ha leh dikte pawhin thiam lo nih an hlawh thei a, mi dik lote pawhin thiam an chang hlauh thei thung a. Engkim tithei Pathian hmaah erawh chuan dik chu dik lo chu dik lo a nih avangin mi tinin nun an hman fimkhur a ngai hle a ni, a ti. He Centre-a awmte chu tun hmain Pathian duh lo zawngin lo awm \hin mah se, inchhir a, a lam an hawi phawt chuan a ngaidam tih hre thar \heuh turin a chah a ni.
He inkhawm hi ITI veng Branch MHIP President, Pi Lalengkimi, MHIP General Hrqs.-a Finance Secretary nibawk-in a kaihruai a, mahni inphata mi dang tana malsawmna ni tura inpe-te \anpui theia an awm chu an lawm hle tih a sawi. ITI veng MHIP hi kum 1984 khan Republic veng MHIP a\angin an indang a, tunah hian member 1,469 an awm mek a, an Branch a\ang hian kumin kum tir lam khan Mualpui Branch MHIP an indang ve leh a ni. ITI veng MHIP-in \anpuina a hlan Servant of God Camping Centre hian thla tin amamawhtute tan Gespel Camping an buatsaih \hin a, tunah hian thawktu mi 30 vel an awm mek a ni.
