Nimin khan damdawi ina enkawl lai leh in lama enkawl zui mek mi 1,08,237 an awm a, Pathianni aiin nimina enkawl hi mi 20-in an tlem zawk a ni. Thuneitute sawi danin natna kai enkawl lai, enkawl dam tawh leh mitthi te chhinchhiahnaah a \ha zawngin tlem tlemin hma an sawn zel tih a lang a ni.
Italy-ah hian inkharkhip chu May ni 3 thleng hman chhunzawm tur a ni a, hetihlai hian sumdawnna hmun \henkhat erawh hawn a ni leh tawh a, chung zingah chuan lehkhabu dawr te, pisa mamawh zawrhna dawr te, naupang thawmhnaw dawr te pawh a tel a, hengah te hian social distancing chu uluk taka hman zui zel a ni thung.
Italy hi khawvela coronavirus kai ngah lamah pathumna a ni a, Pathianni khan mi 486 hri kai thar an awm a ni.
Civil protection agency hotu, Angelo Borrelli chuan a \um khat nan coronavirus kai thar an tlem ber \um a thleng tih a sawi a, hri lengin kiam lam a pan theih beiseina a ti sang zel a ni a ti.
