He inkhawm hi Central Isua Krista Kohhran |halai Pawl hruaitu, Upa H. Vanlalduha’n a kaihruaia, Assistant Leader, Upa Dengtluanga, General Secretary, Pu B. Lalliankima leh Finance Secretary, B. Lalhmingthari ten fuihna thu an sawi a, Aizawl East leh Aizawl West bial zaipawl bakah Krista hming faktute an zai bawk a ni. IKK sen leh var \halai pawlin a huhova Pathian fakna inkhawm an neih hi inpawhtawnna atan leh insuihfin leh thuaina atana chak zawka ke pen theihna tur a ni. Isua Krista Kohhran, an chhinchhiahna atana Kraws sen hmang chuan zanin a\anga Pathianni thlengin Thenzawl Venglai Kohhran Biak Inah General Assembly an nei dawn a, hemi rual hian Isua Krista Kohhran, an chhinchhiahna atana Kraws var hmangte chuan Mamit Luangpawl Kohhranah General Assembly zanin a\anga Pathianni thleng an hmang dawn bawk a ni. Assembly-ah hian insuihfin leh tura inremna atana thil pawimawh chhawpchhuahte an ngaihtuah dawn a, a tawn tawna inremna an neih theih chuan nakum January thla chhungin inremna neia, an insuihkhawm leh theih beisei a ni.
