Isua Krista Kohhran thuneitu sang, General Committee chu vawiin khan Aizawl Upper Republic venga IKK Office, Senior Executive Secretary Room-ah an an \hukhawm a. Nikuma Assembly rorel inkhawmin ram pum huap Hmeichhe Inkhawmpui leh |halai General Conference neih \hin chu kum kar thlaka neih tura a lo rel tawh bawhzuiin, ram pum huap Hmeichhe inkhawmpui neih \hin chu an inkaihhruaina danah Inkhawmpui Rorel palai bituk fel taka an neih loh avangin kumin hian Inkhawmpui lian hmang se, \halaite erawh chu rorel palai bituk fel tak nei sa an nih avangin kuminah Rorel Inkhawm neih ni se an ti a, rampum huap Hmeichhiate pawhin kumin Inkhawmpui lian neih turah rorel palai tur chin bithliah se an ti bawk.
Kumina ram pum huap Hmeichhe Inkhawmpui lian hi February ni 23-25 chhungin Maite Kohhranah neih a ni dawn a, |halai Rorel Inkhawm chu April Ni 6-8 chhungin Phulpui Kohhranin an thleng thung dawn a ni. Ram pum huap IKK Hmeichhe inkhawmpui lian neih hun February Pathianni hnuhnung ber chu Sikul naupang exam lai a nih avanga sawn an dilna chu kum tin April Pathianni vawi thumna emaw, vawi lina-ah emaw hman remtih a ni. IKK
General Committee chuan, nikum December ni 9-a boral, Assembly Treasurer, Upa B. Zahmuaka hmun ruak chu Assembly Executive Committee \hutkhawm hmasak ber, tun thla ni 19-a neih turah hnawh khah ni se a ti a, he hmun ruak hnawh khattu hi ram pum huap Hmeichhe Adviser leh Assembly Revival Committee member a ni nghal dawn a ni.
