Isua Krista Kohhran chhinchhiahna atana Kraws sen hmangtu chuan Isua Krista Kohhran chhinchhiahna a var hmangtu nen inpumkhat lehna tura rawtna lungrual takin an pawm. An kohhran rorelna sang ber, Assembly, Luangmual Kohhran Biak Ina tun thla ni 7 a\anga nizan thlenga neihah hei hi ngaihtuaha pawm a ni a, thupui atan ‘Krista Ram Dinthar Lehna’ tih hman a ni. He Assembly-a thu ngaihtuah pawm tak zingah chuan Zirna lam leh Sex Education pawimawh zia, nasa lehzualin kohhran mite zirtir ni se tih pawh a tel a, kum 2017-18 budget atan Rs. 1,73,47,000/- pass a ni a, Pastor 3 nemngheh an ni bawk.
IKK Hqrs. Vaivakawn Office chu Krismas leh kum thar chawlh hmang turin tun thla ni 20-ah khar a ni ang a, nakkum January ni 8-ah hawn leh a ni ang.
