Israel sipai chuan Damascus chhim lam leh Gaza Strip-a Islamic Jihad te chu Pathianni khan an kap tih an sawi a, hetihlai hian Syria chuan Israel missile te chu air defences hmangin an kap thla vek niin a sawi thung.
He inbeihna vang hian Gaza-ah chuan mi 4 an hliam a, Israel lamah chuan hliam emaw thi emaw an awm lo nia sawi a ni.
Pathianni zing khan Gaza Strip a\angin rocket 20 vel kahchhuah a ni a, hei hian Israel chhim lam a deng a, thi leh hliam an awm lova, amaherawhchu Israel hian a kap let ve ta tho a ni.
Israel chuan Islamic Jihad mi pakhat an that niin an sawi a, he an mi thah hian puak thei thil a pai niin an sawi.
Pathianni zing kara inkahna chu Islamic Jihad chuan an tihah an chhal a, Gaza ramria an pawl mi pakhat Israel-in an thah chhanlet nana an tih niin an sawi. Islamic Jihad hi Iran-in a thlawp leh a puihbawm a ni a, Gaza-a helpawl thil ti thei tak an nih bakah Hamas helpawl nen pawh inlainchina \ha tak an nei bawk.
Kum 2019 November thla khan Israel-in Islamic Jihad senior commander Gaza-a a thah vangin an inkarah inhmuhthiam lohna nasa tak a chhuak \an a ni.
