Israel hian ram hruaitu inthlan hun a hmachhawn \ep tawh a, inthlanna neih tur behbawmah Netanyahu hian ram him lo laia chengte chenna tur in sak sak hi tiam a, hemi rual hian eiruk thubuaia amah hekna a hmachhawn bawk a ni.
Netanyahu chuan E-1 biala in 3500 sakna tur sum chu a rang lama dah turin thuneitute a hriattir tawh tih a sawi a, hnathawh dan tur ruahmanna chu bi khatna chu thla ruk emaw thla sarih emaw tihkhawtlai a ni tawh tih a sawi bawk.
Hetihlai hian Palestinian President, Mahmoud Abbas thupuangtu Nabil Abu Rdainah chuan Netanyahu-a thil tih tumdan chu a huang chin pela thil tihah a puh a, remna leh muanna tihchhiat tumah a puh bawk.
Israel hian kum 2012 a\ang khan E-1 bialah hian chenna in sak a lo tum tawh a, United States, Europe-a a thawhpuiten a thil tih tum chu an dodal zel vangin a thil tum hi tun thlengin a la hlawhtling thei lo a ni.
Palestine chuan Netanyahu-a thil tum hi a hlawhtlin chuan West Bank chu hmunah in\henin, a chenchilhtute pawh \hen hranin an awm ang a, East Jerusalem luah theihna kawng a inhawng dawn a ni a ti.
West Bank-ah hian Israel mi 6,00,000 vel an cheng mek a, East Jerusalem-a Palestine mi maktaduai 2.9 chengte chu Israel miten an belhchhah nasa tawh hle a ni.
