Israel PM-in Gal-Mobile a thlawnin PM Modi pe dawn

Israel PM, Benjamin Netanyahu-a’n tuipui tui al paihna leh tihthianghlimna motor, Gal-Mobile an tih chu a thlawnin PM, Narendra Modi a pe dawn a, tun thla ni 14-a a lo zin hunah a rawn kensak dawn nia thu dawn a ni. Nikum July thla khan ram pahnih PM te hi Mediterranean tuipuiah hetiang motor-ah hian an chuang dun a, Netanyahu hian hetiang motor hi Pu Modi-a p>k a tum a ni. Netanyahu hi ni li chhung, India ramah a cham dawn a, a motor p>k tur phei hi chu rawn thawn a ni tawh a, India ram a lo la thleng lo a ni. He motor hi shekel 3,90,000 man vel a ni a, hei hi dollar 1,11,000 hu vel, India pawisaa cheng 70,36,900 hu vel a ni. Modi leh Netanyahu hian Israel thiamna hmanga tuipui tui tihthianghlim a nih dan hi Olga Beach-ah an en dun tawh a, Gal-Mobile hian tuipui tui al leh bawlhhlawh tak pawh tui thianghlimah a chantir theih avangin tuilian, lei min, lirnghing leh tui thianghlim tlakchham avanga harsatna tawhna hmunah a \angkai hle a ni.