Tablighi Jamaat mi leh sa mi sang 2 chuang chu an punkhawmna hmunpui Markaz Nizamuddin a\ang hian ni thum kalta chhung khan hruai chhuah an ni a, police ten thubuai an siamsak te hi an hotulu ber Maulana Saad bakah Zeeshan, Mufti Shehzad, M Saifi, Younus, Mohammad Salman leh Mohammed Ashraf te an ni.
Delhi Police Commissioner SN Shrivastava chuan Epidemic Disease Act hnuaiah thubuai siamsak an ni tih a sawi a, heng mite hi sakhaw thila punkhawmna huaihawttu-a puh an ni a, March ni 24-a hriattirna pek an nih hnuah pawh punkhawmna hmuna mi tam tak la chentir zui zela puh an ni.
Hetihlai hian Markaz Nizamuddin enkawltute chuan hun hman dan tur an lo duan sa te cancel nimahse March ni 22-a Prime Minister in Janata Curfew a puan hnan avang leh ram pum huap inkharkhipna puan zui a nih tak avangin an mi leh sa ten punkhawmna hmun hi an chhuahsan thei lo niin an sawi ve thung.
Ram chhung hmun hrang hranga coronavirus kai te zinga mi 128 zet chu he punkhawmnaa tel an ni tih finfiah a ni tawh a ni.
