Philippines ram chhim lama ISIS mi firfiak pawl thlawptute’n an ruk bo, Catholic puithiam pakhat chhanchhuah a ni. Marawi khawpuia mi firfiakten thla li dawn lai an hren hnuah, Father Teresito Suganob hi Inrinni khan sipaiten an chhanchhuak a, Muslim biak in an beihna-ah Suganob hi an hmu niin sipai hotute chuan an sawi. Suganob-a hian Manila-a sipai hmunpui-ah chanchinbumite kawmin \awng\ai rualna a hmanpui a, mi firfiakte hian mi 200 vel an la hreng nia sawiin, sal ang maia chhawr an nih thute a sawi a, a hriselna a \ha niin a sawi. Puan tawh angin, Marawi khawpui awmna, Mindanao hi ISIS thlawptu Muslim pawl hrang hrangten an lak avangin, Philippines President Rodrigo Duterte chuan sipai rorelna a lo puang tawh a, beihpui an thlak lai titawp tur leh, sipai tirh belh tawh lo tura sorkar ngenna video thlalak pawh Suganob hi an lo siamtir tawh \hin a ni. Defense Secretary, Delfin Lorenzana chuan Puithiam Suganob-a rual hian zirtirtu hna thawk \hin pakhat an chhanchhuak tel tih a sawi a, an inbeihna a\anga mi firfiak pawlte insaseng an tum laiin heng mi pahnihte hi an hrenna hmun a\angin sorkar sipaiten an la chhuak niin a sawi bawk. Lorenzana hian Mindanao buaina hi a tawp lek lek tawh niin a sawi a, hmun hrang hrangah mi firfiakte hian bomb an kam avangin an fimkhur a ngaih thu leh, an mi hrente hi hmun hrang hranga an dah avangin hmanhmawh theih a ni lo niin a sawi bawk.
