US defence dept. chuan Iraq hmun hrang hranga hel pawlte ralthuam dah\hatna hmun 5 an kap tih a sawi a, hemi hmalam, Nilaini khan US sipaite hmun pakhat Taji sipai camp chu rocket hmanga beih a ni a, America mi 2 leh UK sipai pakhat an lo thi tawh a, kha inkahna kha US chuan Shia militia tihah a puh a ni.
US commander chuan kha inkahna kha Iran puih, hel pawl Shia militia te tih a nih an rin thu a sawi a, hetihlai hian Pentagon chuan Iran aiawh pawl pakhat, Kataib Hezbollah chauh chu US leh Iraq-a a thawhpuite bei ngam awm chhun an ni tih sawiin, Iraq ram pumpuia Kataib Hezbollah hmunpui chu US chuan a kap tih a sawi bawk. Kataib Hezbollah hi Iraq hel pawl niin, ISIS te tlawmtu an ni.
US defence dept. chuan Kataib Hezbollah hmunpui chu indo thlawhna hmangin an kap ngei tih a sawi a, hei hi Iran-in a puih, Shia militia group ten an vau chhan letna a ni a ti a, United States chuan a mi leh sate beitute chu a ngai thei lova, a bei let ve zel dawn a ni a ti.
