Iran President Hassan Rouhani-a’n International Nuclear Deal a\ang an inhnuhdawh lailawk tur thu a puan hnuah, US President Donald Trump-a’n Iran-in thir leh a kaihhnawih thil a siam chhuah hralh chhuahna a hrek.

US Secretary of State Mike Pompeo-a’n Iran hi nuclear inremna a\anga a inhnukdawk a nih chuan nuclear ralthuam a siam theih loh nan US hian hma a lak tur thu a lo sawi tawh a, thir, Steel, Aluminium leh copper siamchhuahna sector te hrekna hi Tehran-in nuclear ralthuam leh khawmualpui dang kah theihna missile te a siam chhuah theih lohna tura hmalakna a ni. Trump-a hian Iran bungraw zawrchhuah tam ber pathum, tuialhthei, petrol a\anga siam chemical leh thir lam chi thil chi hrang hrang-ah te hrekna a puang ta a, White House chuan heng hreknate hi na taka kalpui an nih tur thu puangin, Iran nena sumdawng chhunzawm ram te lakah pawh na taka hma lak a nih tur thu an puang bawk a ni.