Iran Parliament ah hian member 290 an awm a, sum leh pai dinhmuna harsatna nasa tak an tawh karah inthlanna in a nghawng tur hi a lian hle dawn nia ngaih a ni a, Supreme leader Ali Hosseini Khamenei chuan Tehran ah vote a thlak a ni. Vote a thlak hnu hian Khamenei hian mipuite vote thlak uar turin a sawm a, an ram hmasawnna tur an vei anih chuan taima taka vote thlak turin Iran mipuite a chah a ni.
Parliament inthlannaah hian mi maktaduai 58 velin vote an nei a, political party hrang hrang 250 velin candidate an vawrh chhuak a ni. Iran ah hian kum 18 chin chunglamin vote an nei thei a, tun \umah hian mi maktaduai 3 vel vote nei thar an awm a. Polling Station 55,000 siam a ni a, hmeichhia 666 tiamin candididate 7,000 an awm a ni.
