Iran President Hassan Rouhani chuan tih palh thilthu-a kah chhuah missile in thlawhna hi a kap tih thlawhna tlak dan chhuichianna a\angin hmuh chhuah a ni a ti a, he chhiatna thleng hi ngaihdam rual loh tih sual palh a nia ti.
Iran sipaite chuan thlawhna hi Iran Revolutionary Guard te tana hmun pawimawh lai tak hnaihah a thlawk niin an sawi a, hmelma thlawhna emaw tia kah palh a ni an ti.
Hemi hmalam hian Iran chuan thlawhna hi missile-a kah thlak nia sawi chu a lo pha tawh a ni.
Ukraine International Airline Flight PS752 hi Nilaini khan Iran khawpui Tehran a\anga a thlawh chhuah hnu lawkah van boruakah a puak a, a tla zui a, video-a thlalak \henkhat-ah missile ni awm takin thlawhna a kap fuh lai hi a lang a, Satellite a\anga hmuh danin Iran hian missile pahnih a kap chhuak a, pakhat zawk chuan a tum a fuh ngei tih hriat a ni bawk.
Iran sipai general Qasem Soleimani-a January ni 3-a thah a nih avanga Iran-in phuba lakna atana Iraq-a US sipaite inkhuarna hmun a beih hnu lawkah he passenger phur thlawhna hi kah thlak a ni.
Iran sipaite chuan thlawhna hi sipaite hmun pawimawh hnaiha a thlawh avang leh US nena an inkar boruak san vanglai tak a nih bawk avangin tih sual palh liau liau vangin tum loh taka kahthlak palh a ni tih an sawi a, he thil thleng hi pawi an tih thu leh a mawhphurtute chu hrem an nih tur thu an sawi.
Thlawhna tlaah hian a chhunga chuang zawng zawng an thi vek a, thi zingah hian 82 chu Iran mi an ni a, Canada mi 63 leh Ukraine mi 11 bakah Sweden, UK, Afghanistan leh Germany mi te pawh an tel a ni.
