March ni 19 a\anga ruah a sur nasat avangin Iran-a khaw 1,900 chu a chhe nasa tawh hle a, mi thiamte chuan ruah hi a la sur chhunzawm zel dawn nia an hriat avangin Iran chhim thlang lam khua, Susangerd leh khaw dang 5-a mipuite chu hmun him zawka sawn an ni a, Provincial governor Gholamreza Shariati chuan hmeichhia leh naupang te chu khua chhuahsan tura hriattir tawh bakah mipate chu chhanchhuah hna thawktute pui turin la chambang rih turin an hriattir tih a sawi bawk a ni. Lorestan province leh khaw 7-ah chuan leimin a hlauhawm avangin mipuite chu khua chhuahsan tura hriattir an ni bawk a, he thil thlengah hian mi 86,000 chu emergency shelter-ah enkawl mek an ni a, harsatna tawkte hi chhawmdawlna pek vek an nih tur thu sorkar thuneitute chuan an sawi a ni.
Tui lian hian khaw engemawzat a chim zel a, sorkar chuan chhanchhuah hnathawk leh hliam te enkawl tur medical unit a thawn chhuak a, Revolutionary Guard te chuan theihtawp an chhuah thu an sawi a, Iran-a lungverh khawl company te chuan tui pump hmangin chhanchhuah hnathawkte hi an \anpui bawk a ni.
