Iran-ah mipui lungawi lo pungkhawm leh, US leh EU inlungrual lo

Iran ramah nimin khan sorkar laka lungawi lo mi tam tak an pung khawm leh. Iran mipuite hi ram sum enkawl danah, an President Hassan Rouhani lakah an lungawi lo hle a, pung khawmte hian pawisa hlutna tlahniam zel te, hna vang zel avangte leh sorkar hotuten eiruk an chin avangin, Rouhani hi bang turin an phut a, an rama M<uslim sakhaw hotu lu ber leh thiltithei bera ngaih, Ayatollah Ali Khamenei pawh bang tur leh, Syria leh Lebanon ram buainaa inrawlh tawh lo turte-in an phut bawk a ni. Puan tawh angin Iran chungchangah hian UN-a US palai, Nikki Haley chuan UN Security Council \hut khawm hmanhmawh koh a rawt a, Iran sorkar dodala pung khawmte thlawp turin UN ramte a phut a ni. Iran Foreign Minister, Javad Zarif chuan US thiltih dan hi a dem hle a, ram rintlak a nihna a hloh-ah a ngaih thu a sawi hial a ni. US hi a thurualpui \hin ramte pawhin an thlawp tehchiam lo a, France chuan Iran tualchhung buainaa inrawlh chu thil \ha ber ni lo-a a hriat thu leh, khawvel remna leh muanna tiderthawng thei thil nia a hriat loh thu a sawi a, UK palai, Matthey Rycroft chauhin US an thlawp thu a la sawi a ni.