He inkhawma thusawitu Chief Electoral Officer, Pu SB Shashank chuan democracy hmanga inthlanna ramah rorel tura mipuite thlan apiangin rorelna an chang a, chutiang bawkin Mizorama Assembly inthlanna neih turah pawh vote neiten an aiawha roreltu tur thlanga vote an thlak ngei a ngai niin a sawi. CEO chuan Mizoram Assembly inthlanna neih hnuhnun ber kum 2013-ah khan vote nei zawng zawnga mi 83-in vote an thlak a, kumina inthlanna neih turah chuan hei aia tam hian vote an thlak a beisei thu a sawi bawk.
Voter’s Fest hawngtu Aizawl Bawrhsap, Dr. A. Muthamma, Aizawl District Election Officer ni bawk chuan vote nei zawng zawng, a bikin \halai rualte chu inthlannaa vote thlak ngei turin a chah a, he inkhawma tel zirlaite chu kum 18 an tlin hunah Electoral Roll-a inthuna vote thlak turina fuih bawk.
He inkhawmah hian Deputy District Election Officer, Dr. Lalhriatzuali Ralte chuan a lem nena entirin vote thlak pawimawhna leh vote thlak thei tura Electoral Roll-a inthun a pawimawhzia a sawi a ni.
Voters’ Fest hi ni hnih awh tur a ni a, vawiin khan Poster Making Competition, Debate leh lama inelna te neih a ni.
