Japan Olympic Minister chuan Summer Olympic hi coronavirus darh mekah a hun sawn theih a nih thu a sawi a, hetihlai hian Bach-a hian hun lo la awm tura thutlukna la siam leh tur chu sawilawk theih a ni lo a ti thung a, Olympic neih hun sawn hlat emaw, cancel emaw chu International Olympic Committee thuneihna a ni a, ruahman lawk ang chuan Julyni 24 a\anga August ni 9 thleng neih tur a ni.
Bach-a hian a hun pangngaia Olympic nei tur hian inbuatsaih chhunzawm zel a ni a, IOC hotute chu tualchhung thuneitute nen inbe pawp rengin, coronavirus darh dan pawh chik takin an thlithlai chho zel a ni a ti.
