Khawvel pum huap Chin Kristian \halaite intawh khawm vawi khatna, International Chin Christian Youth Conference chu Lawngtlai AOC Veng Field-a Pandal-ah nizan khan AH&Vety Minister, Pu C. Ngunlianchunga’n a hawng a, Pathianin hnama a dinte hian mahni hnam nihna zahpui lova, mahni hnam ziarang, \awng leh nihna vawn nun zel a \ul thu sawiin, he Conference hian Lawngtlai District chhunga Kohhran hrang hrangte thawhhona \ha a thlen a beisei thu a sawi. Minister-in Conference a hawn hnu hian Pandal-ah Rev. T. Vanlaldinpuia leh Lucy Hranglungte kaihhruaiin inkhawm neih nghal a ni a, Organising Committee Chairman, Rev. B. Zazawna leh Lai Autonomous District Council-a Chief Executive Member, Pu T. Zakunga’n palaite lawmna thu an sawi a ni. He inkhawmah hian Chin Baptist Church, USA a\anga lo kal, Rev. C. Duhkama’n Pathian thuchah a sawi a, Zaipawl 5 an zai a, ram chhung hmun hrang hrang bakah USA, Australia, England, Bangladesh leh Myanmar a\angin palai an lo kal a ni. Vawiina Conference hman chhunzawmah hmun hrang hrang 4-ah thupui hrang 4 neiin workshop neih a ni a, Austrialia a\anga lo kal, Rev. Mang Hre chuan Youth & Evangelical Activities tih thupui a sawi a, Youth & Culture tih thupui chu Rev. Ni Kiau-in thu a sawi a, Church Unity & Cooperation tih chu M|KP Organizer, Rev. Lalbiakenga’n a sawi a, Chin Baptist Church USA palaiin Chin Youth Networking tih thupui a sawi a ni. Zaninah hian Chin Baptist Church. USA a\anga lo kal, Rev. |ial Lian-in thu a sawi dawn a, he inkhawmah hian Mizoram Assembly Speaker, Pu Hiphei leh Lawngtlai East Bialtu MLA, Pu H. Zothangliana te pawhin thu an sawi ang. Naktuk, Inrinni zanah chuan Cultural Nite hman a ni ang.
