He \huthawmna Planning Conference Hall-a neih hi Chief Registrar of Births and Deaths Chairman, Planning Secretary nibawk Dr. C. Vanlalramsanga’n a kaihruai a, Digital hmanga birth and death Certificate pekchhuah chu kumin April ni 1 a\anga kalpui \an ni se, an ti a. Mipuite tana remchanna siam tur leh he thil thar hman tur awmzia leh nihphung inhrilhhriat a nih theih nan nakkum March thleng tuna certificate hman mek hi official thilah pawm a la ni dawn a, hemi piah lamah erawh chuan official thil reng rengah digital birth and death certificate chauh pawm a ni tawh dawn a ni.
Mizoram sorkar-in Mizoram Registration of Births and Deaths (Amendment) Rules, 2019 a tichhuahah Judicial Magistrate 1st Class tih chu ‘Executive Magistrate’ tia a thlak tak avangin chhan engemaw avanga pian hlima in register lo a hnua birth certificate la chhuak duhte hnena pek chhuah phalna chu Judicial Magistrate te kutah ni tawh lovin DC office-a Executive Magistrate te kutah a awm tawh dawn avangin District tina DC te chu delayed registration khawihtu tur Executive Magistrate ruat tura tih an ni a. District thar pathum – Hnathial, Saitual leh Khawzawl DC te chu IDCC member-ah telh ni se, heng District Headquarters tharah te hian District Economics and Statistics Office thar din phalna sorkarah dil thuai ni se tih rel a ni bawk.
