State Level Task Force on Immunization chu vawiin khan Health Secretary, Pu Lalrinliana Fanai hovin a Pisa-ah an \hu khawm a, naupang kum 2 hnuai lam leh nu, nau pai zawng zawngin hri danna an lak vek theihna tura beihpui thlakna, Intensified Mission Indradanush bawhzui zel dan tur an sawi ho a. A hun taka hri danna lak chu naupang hriselna atana thil \angkai a nih avangin hei hi a hlawhtlin theih nan mipuite chu ngaihvenpui \heuh turin an ngen a ni. Puan tawh angin, Intensified Mission Indradanush hi ram puma District 118 leh khawpui thlan chhuah 17-ah October ni 7 khian \an a ni dawn a, hmarchak bialah chuan District 52-ah bawhzui a ni ang a, Mizoramah chuan District 3 – Lawngtlai, Lunglei leh Mamit District-ah bawhzui a ni ang. Hemi chungchang sawi honaah hian WHO hnuaia National Public Health Surveillance Project, Surveillance Medical Officer, Dr. Lalhlimpuii leh State Immunization Officer, Dr. Lalzawmi’n Intensified Mission Indradanush nihphung leh Mizorama hnathawh tum a nih dan an sawifiah a ni.
