INTACH Mizoram Chapter atanga kal Dr JV Hluna, Pu Lalthanmawia leh Art&Culture Dept-a Technical Assistant Pu Vanlalhuma Singson, Archaeologist te chuan Phuaibuang khaw ral leh lama “Lung 1000 hmun” an tih mai, Hriangmual Tlang chhipa mi hi a awmna hmun, geo-coordinates leh tuifinriat zawl atanga a san zawng Altitude te an teh fel a. Lung len zawng leh san zawngte an chhinchhiah bawk a ni. Pi leh pute chuan helai hmun hi Khuangzângho lo awm tawhna nia sawiin, lungdawhkân paruk indawhzawm a awm a, lung phun pali chu lung te tak te te tam tak, a chhawng zawnga phunin a hual a, lung-saphu-hâwn tiin an sawi bawk.
Phuaibuang khaw hmun hlui Hriangtuinêk-a lungphun leh sulhnu hlui te pawh INTCAH hotute hian an tlawh bawk a ni.
