Vangchhe daia pipu te sulhnu an enfiah dan vawiina Aizawla thuthar lakhawmtute an hrilhfiahnaah he thu hi sawiin, Pu C. Chawngkunga chuan kum 1952-a District Council-a Mizoram dah a nih hnua Mizorama chengte koh nan Mizo tih pawm a nih hma zawng kha chuan hnam dangin Kuki tiin an hre \hin niin a sawi a. Mizo-te chuan he ram hi kum 2000 hma lam a\ang khan an lo luah tawh a, hemi tichiang tur hian Archaeological Survey of India (ASI) thawhpui an ni a, anni hmalakna zarah Mizote chu hnam upa tawh tak an ni tih an hrechhuak thei ta niin a sawi.
INTACH Mizoram Chapter Convener, Pu P. Rohmingthanga pawhin Vangchhe daia pipu sulhnu hrang hrang chu UNESCO hnuaia World Heritage Site-a puan theih tura \anlak mek a nih thu a sawi a. Hei hi a theih ang anga bawhzui niin nakkum February thla velah UNESCO-a thehluh hman an inbeisei tih a sawi a. Tun hnaia Vangchhe dai an enfiahnaah hnam dang hnuhma niawm taka lang hmuh nei mah se, Mizo mipuite tan rinhleh tur a awm lo nia sawiin, heng sulhnu hrang hrangte hi Mizo pipute sulhnu ngei tih an finfiah niin a sawi.
ASI Aizawl Circle-a Dy. Superintending Archeologist, Pu Sujeet Nayan chuan Vangchhe dai an enfiah dan a hrilhfiah a. Vangchhe dai mai ni lovin a chhehvel khaw hrang hranga sulhnute chu a inan deuh vek avangin Mizote sulhnu ngei a ni tih a chiang nia sawiin, khilai hmuna an thilhmuh an enfiah \henkhat chu kum 1400 a\anga 1500 vela upa a ni tih sawiin, hei hian he ram hi Mizoten kum rei tak an luah tawh a tichiang niin a sawi.
