Hri kai hmuh tharte hi Mipa leh Hmeichhia 1 an ni a, hnam dang ve ve, Aizawl District-a awm an ni a. Bihar leh New Delhi atanga lo kir, kum 27 leh 46 mi an ni a. An pahnih hian inkhunghranna hmun awm lai, natna lan chhuah dan nei lo an ni.
Hetihlai hian Champhai Dedicated Covid Health Centre-a enkawl lai 3 zinga pakhat chu a dam tawh avangin vawiin khan damdawi in atanga chhuah tir a ni a, Amah hi mipa kum 58 a upa a ni. Heti hian Champhai district ah Covid-19 vei enkawl lai 2 la awmin, mi 10 enkawl dam an ni tawh a ni. Champhai DCHC a damlo enkawltu Isolation Team 1 chu vawiin khan an chhuak a, Isolation Team 2 an riaklut ve thung a ni.
Inrinni khan Lunglei Civil Hospital-a TruNAT Laboratory-ah sample 36 endik a ni a, an vaiin hian hri lakah an fihlim tih finfiah a ni a. Lunglei TruNAT Laboratory-ah hian samle 771 endik a ni tawh a ni.
Inrinni-a ZMC-a hri kai 2 hmuh tharte nen hian Mizorama hri kai hmuh tawh chu 284 an tling ta a, hetihrual hian enkawl dam, damdawi in atanga chhuah tir 168 an awm tawh thung a. Hri kai tawh zawng zawng atanga enkawl dam hi zaa 59.15 a ni a, enkawl lai 116 an awm a ni. Mizorama hri kai enkawl lai 116 zinga 89 chu hnam dang an ni a, tualchhung mi 27 an awm bawk.
