ZONET thudawn danin Sorkar lam hian Joint NGO Co Ordination Committee in hnam hnatlang an koh chu \hulh turin an ngen a, Joint NGO Co Ordination Committee lam hian CEO SB Shasanka kaihruaina hnuaiah inthlan felfai leh ralmuang a awm theih an rin loh thu sawiin CEO chu sawn chhuah phawt an phut thung a, sorkar hotute hian an thil phut chu ECI ah thlen an tum nia hriat a ni.
Hemi hnu hian Central YMA pisaah Joint NGO Co Ordination Committee hi \hukhawm nghalin an Chairman Pu Vanlalruata chuan an ngenna a hlawhtlin leh hlawhtlin lohah an kalzel dan tur a inghhat tih a sawi. Hemi hnua thuchhuah an siamah Joint NGO Co Ordination Committee chuan, kumin Assembly inthlanpui neih tura CEO Pu S.B. Shashanka hmalak dan duhlohna lantirna naktuka CEO pisa tuala hnam hnatlang neih turah mizo mipui te a tam thei ang ber thawk chhuak turin an sawm a, CEO S.B. Shashank an Paramilitary Force phurh chhoh nan Commercial Vehicle a hmang nia an hriat thu leh \ha lo an tih thu sawiin ram leh hnam humhalhna atana lirthei neitute chu hman tir lo turin an ngen a, sorkar hnathawk inzawmkhawm Federation of Mizoram Govt. Employees and Workers Welfare Association-te pawh NGO Co-ordination hmalakna thlawp a, CEO a chhuah fel hma chu an hna thawk lo tur leh Mizoram mipui leh Kohhran zawng zawngte pawh hnam dam nana \awngtai turin a ngen a ni.
