Hemi chungchanga ZONET zawhna chhangin Horticulture Director Dr Elizabeth Saipari chuan, cheng nuai 85 sing 7 sang 2 man an hralh chhuah tawh thu leh cheng nuai 5 sing 8 sang 7 man vel thlai lei khawl sa an neih thu a sawi a, thlai hnah leh rah chi hrang hrang an chawkluh zinga trip 138 chu Mizorama lo neitute thar a ni a, a bak trip 5 chu phai lam a\angin Grape leh theibuhfai an chawk luh a ni. Thlai hnah leh thlai rah tam zawk hi Mizorama thar chhuah an ni a, tun dinhmunah an mamawh ang chu Mizoram kuthnathawktute thar a\angin lei tur an la hmu thei a ni.
Lo neituten thlai an fun dan tur ruahmanna an siampui hnuah a chhia a tlem tawh tih Supply Chain buaipuitute hian an sawi a, thlai thleng tharte chu Commerce & Industries a Inspector ten an endik hnuah chauh lak \hin a nih avangin thlai \ha lo lak a awm tawh lo tih an sawi a. Social Media lama thlai chhia thlalak pholan chu tun thla ni 4 an lei zikhlum hralh zawh loh, Sairanga Cold Storage-a dah luh hmaa khawlumin a tih chhiat zinga mi a ni tih Horticulture Director hian a sawi a, hralh tura an lak chhuah leh hnuah a kau an paih, an dah khawm chu tuten emaw thla lo lain a supply tute tihminghche thei zawngin an ti darh nia a lan thu a sawi.
Sairang Cold Storage-ah hian zikhlum bag 252 leh bawkbawn bag 231 dah luh a ni a, vawiin lam khan a vaia lak chhuah vek a ni a, Vegitable Supply Chain-in thlai an neih ang ang chu veng 9-a LLTF ten an veng chhunga hralh turin an lei a ni.
