SEDP hnuaia Press Project Site Visit tia vuah-a kal tur te hi Lawngtlaia prominent journalist, Lairam chanchinbu Editor Pu V. Lallianzuala’n Lawngtlai Press Club atangin a vai liam a. Lawngtlai DIPRO Pu C. Lalhruaitluanga leh Lawngtlai District MJA President Pu Lalngheta Ralte te kaihhruaina hnuaiah KMMTTP kawngpui laih mek hi an tlawh a, a enkawltu PWD hotuten an lo dawngsawng a ni. KMMTTP hnuaia Mizoram chhunga kawngpui kal tur hi a tirah km 99.83-a thui tura ruahman nimahse, kawng tawi zawk zawn \hat a awm nual avangin km 88-ah tihtawi a ni tawh a. Black top tur hi km 87 a ni a, hmun riatah lei dawh tur a ni a. Km 81.500 black top zawh a ni tawh a, lei 8 dawh turah 6 dawh mek a ni a. a pumpui khai khawmin hna thawh tur zaa 94 chuan zawh tawh a ni.
