Information & Public Relations Department buatsaih Mizo lemziakmite kutchhuak Mizoram pawna pholanna ‘Colors of Mizoram 2020 Art Exhibition’ chu New South Gallery, Academy of Fine Arts, Kolkata ah neih mek a ni a, Nialini thleng a awh ang.

‘Colors of Mizoram 2020 Art Exhibition’ hi Prof. Isha Mahammad, Chairman, Asiatic Society leh Government College of Art & Craft Kolkata Principal lo ni tawhin a hawng a, hawnna inkhawm hi Information Dept Director Pi Lallianpuii leh officer dangte bakah Kolkata lama lemziak mi engemaw zatin an hmanpui a ni.

Art Exhibition ah hian Mizo lemziak mi 24 te kutchhuak 54 pholan a ni a, hengte hi pencil sketch 4, water color painting 24 leh acrylic painting 28 te a ni.

I & PR Department in Mizoram pawna Mizo lemziak thiamte kutchhuak pholanna hi Delhi ah pawh 2018 leh 2019 ah te an lo buatsaih tawh a ni.