He thu hi nizana Durtlang Mualveng Nite a hmanpuinaah sawiin Pu Lalruatkima chuan, Krismas leh kumthar vuakveta zu leh ruihhlo avanga harsatna a thlen lohna tura sorkar leh tlawmngai pawlte hmalakna chuan mipuite thlawpna \ha tak a dawng niin a sawi. Pu Lalruatkima chuan, film society te leh thla la thiam ten tun aia hma an sawn zawkna atan leh lemziak tih hmasawnna turin hmalak an tum tih a sawi a, hemi chungchang hi I&PR officer te nen pawh a thuphungin an sawiho tawh tih sawiin, \halaite thiamna leh theihna tipunga, ti hmasawn turin sorkarin hma a la dawn niin a sawi.
Pu Lalruatkima chuan, Krismas leh kumthar inkara Chief Minister, Pu Zoramthanga hova Bawngkawna kawngchhawng siam dan tur an ennaah Chief Minister chuan PWD hotute chu Durtlang leh Sihphir inkar kawngpui siam\hat hna la zawh loh a awm chu siam zo thuai turin a hrilh niin a sawi a, Chief Minister thu hi ngai pawimawhin PWD hotute chuan kawng siam hna hi an thawk zui nghal niin a sawi a ni.
Pu Lalruatkima hian Durtlang Mualveng Nite buatsaihtute \anpui nan pawisa a hlan bawk a ni.
Durtlang Mualveng Nite-ah hian veng chhung leh pawn a zaithiam an sawm ten mipui kalkhawmte zaiin an awi a, an veng hming ti \ha tute hnenah chawimawina thuziak an hlan bawk.
