Chief Minister Pu Zoramthanga’n Rua hmanga mipuite dinhmun chawikang tura hmalak a nih tur thu a sawiin mipuite sawizui a hlawh mek laiin, Information Minister hian Chief Minister thusawi hi thlawpin rua hmangin sorkarin mipui dinchhuahtir a tum tih hi vawiina an party office Mizo Hnam Run inkhawmah a sawi a, China ram pawhin mau hmanga sum an siam nasatzia leh an hman \angkaizia hriat a ni a, sorkar flagship programme SEDP chu raltiang ram kai theihna tur a ni a, hemi kaltlanga rua hmanga mipuite dinchhuahtir ngei turin sorkar chuan hma a la dawn a ni a ti.
Pu Lalruatkima hian “Mau chu sum lakluh nan a \hat em em piah lamah khawvel environment chhe zel ven nan a pawimawh a ni a ti a, boruak chhia, carbon dioxide eiraltu pawimawh tak a ni a, Earth Summit-ah pawh hei hi an ngai pawimawh hle a ni a ti a, Rua chungchanga Chief Minister Mission chu a pawimawh a, a hlawhtling ngei ang a ti bawk.
Information Minster Pu Lalruatkima hian Mizoram Budget hmasa bera SEDP-a cheng vaibelchhe 750 dah nghal a ni chu thil lawmawm a ni a ti a, kum 2008-a Congress-in sorkarna an siam khan kum 2011-ah an flagship programme NLUP atan budget-ah sum an dah hman chauh a ni a ti.
Kawng chungchangah sorkar hmasa hmalak dan sawiselin, khatih hunlai khan mipuiin kawngchhia an siam a, sorkarin an eitur a tum \hin a, mipuiten kawng\ha an beisei ngam lo hial a ni a ti a, MNF sorkar hnuah thla 6 chhungin kawng a lo mam ta nia sawiin, Lunglei kawng pawh darkar 2 laiin an pawttawi ta niin a sawi.
