Ni thum chhung awh tur Documentary Film Festival-ah hian Award dawng tawh Documentary film 20 chhuah a ni dawn a, heng zinga hian Films Division in kum 2014 a Aizawl-ah leh 2016 a Lunglei-a Film Making Workshop an buatsaih tuma workshop a tel te kutchhuak – film 7 te pawh a tel a ni.
Hawnna inkhawm hi I&PR Director Pi Lallianpuii’n a kaihruai a, Minister Pu Lalruatkima chuan, cinema leh film-in kum 100 chhungin khawvel a chiah hneh hle tih a sawi a, mihring nun nasa taka nghawngin nunphung a thlak danglam nasa hle a ni a ti a, hetihrual hian documentary film chu thu leh hla a hawlkim vang te, thawnthu ni lo thil tak tak behchhan a siam anih avangtein, a pawimawhna a lang chho zel dawn a a ni a ti.
Pu Lalruatkima chuan, Documentary film chuan mipui rilru sukthlek leh an ngaihdan thlengin a her danglam thei tih a sawi a, hei hian film thil tih theih zia a ti lan g tih sawin Mimal, mipui leh khawtlang kaihhruaina leh zirtir kawngah film te chu hmanraw pawimawh tak a nih theih a beisei tih a sawi.
I&B Films Division Director V. Packirisamy pawhin thu a sawi a ni.
