Member pathum, Pu Vanlalhlana, Pu VL. Zaithanzama leh Pu Lalrinsanga ralte zawhna in\awm leh zawh belhna dangte chhanga he thu hi sawiin, Pu Lalruatkima chuan, MJA member te hian sorkar a\anga ham\hathna an dawng nual a ni, a ti a. Accredited Journalist-te chu an thi a nih chuan Sorkar-in Rs. nuai 1 leh sing 5-in a ral a, Journalist member pangngaite chu Rs. nuai 1-a ral an ni a. Journalist welfare Fund a\angin Journalist leh an chhungte, Family Declaration-a an tarlan damlo ten sorkar-ah MR an Bill thei a, Journalist State pawna zinte pawh sorkar-in \ul a tih angin a buaipui \hin tih a sawi.
Sorkar-in Accredited Journalist-a a pawm leh card a pekte Sorkar Function-a an Card hmanga luh tir phal an ni \hin lo leh Session-ah pawh Card dang pek an nih \hin chungchanga zawhna chu Assembly Speaker, Pu Lalrinliana Sailo chuan sawifiahin, Session bikah chuan Parliament-a an tih dan entawna tih a nih thu a sawi a. Acrreditation Card nei a piang duh duha an luh chuan ven himna hna thawh kawngah harsatna thleng thei a nih avangin tuna an tih dan anga kal hi an ni tih a sawi.
