He ni hi Press Council of India din champha pualin kum tin hman \hin a ni a, Kum 1966 November ni 16 khan din a ni a, chanchinbumiten zalen tak, dik tak leh lai taka an hna an thawh theihna tura hmalatu a ni. Aizawla he ni hmanna inkhawm, I&PR Director Pu David L Thangliana kaihhruaiah hian I&PR Secretary Pu Biaktluanga chuan thu sawiin, tunlai khawvel engkim internet hmanga inpawh tawn vekna, Digital Era ah thu dik lo leh mipui ti chiai thei thil tam tak thehdarh a ni \hin a, chanchinbumite chuan thu dik tak mipuite hnena hrilh fiah thuai \hin turin an mawhphurhna a sang chho zel a ni a ti.
MJA President Pu Zonunsanga Khiangte pawhin thu a sawi a, he ni puala thupui thlan sa, ‘Journalism Ethics & Chanllenges in Digital Era’ tih thupui hmangin Mizoram University Mass Communication dept-a Asst Professor Pi Irene Lalruatkimi’n thu a sawi a, Social Media leh Internet-a thu leh thlalak bakah video thehdarh \hin te, a dik leh dik loh finfiah theih dan chi hrang hrang a sawifiah a ni.
