Hemi puala inkhawm tawi I&PR Auditorium-a neih hi I&PR Jt. Director, Pi Lallianpuii’n a kaihruai a, a hmanpuitu Information Secretary, Pu Sangdingliana chuan, Sorkar-in Accredited Journalist atana a thlante chu a lawmpui tih sawiin, hetihrual hian an nihna chu hmang \angkaia, an nunpui a beisei tih a sawi a. Ram chhung hmun dangah Journalist rau rau Accreditation nei leh nei lo te an dinhmun a inthlau hle \hin a, Mizoram bikah chuan hetiang inthliarna hi awm hran lo mah se, Accreditation neite chu an nihna ang taka en an nih theih nan a \ul anga hmalak a ni dawn a ni, a ti. Pu Sangdingliana chuan, Journalist-te chu an thuchhuah kawngah fimkhur tura chahin, chanchin dik leh rintlak chauh puangzar turin a chah a, hemi atan hian Editing leh Proof Reading-te pawh uluk lehzuala nei \hin turin a chah a ni.
I&PR Director, Pu David L. Thangliana pawhin, sorkar-in dan mumal tak a siam avangin Journalist zawng zawng chu Accreditation pek theih an nih lo tih a sawi a, Accreditation Card chu \angkai zawka hman dan ngaihtuah chhoh zel a nih tur thu a sawi.
MJA President, Pu Zonunsanga khiangte pawhin, Journlaist-te tan Accreditation neih chu an thlen san theih tawp a nih avangin an ngaihlu hle tih a sawi. Accredited Journalist-ah hian mi 141 thlan an ni a, chungte chu Aizawl District-a mi 60, Lungleia mi 19, Siaha-a mi 12, Champhaia mi 13, Kolasib-a mi 12, Serchhip-a mi 10, Lawngtlaia mi 8 leh Mamit District-a mi 7 an ni a, Accreditation hi kum 2 chhung nung tur a ni.
