Kumin January leh April thla inkara buatsaih, Documentary Film siam inelna-a pakhatna hian tangkafai cheng sing 4 a dawng a, pahnihna dawngtu Napolean RZ Thanga siam ‘Bairabi-Zophai, where we bled for our land’ tih chuan tangkafai cheng sing 3 a dawng a, pathumna TC Vanlalzaua siam, ‘Khawlailung Model Village’ tih chuan tangkafai cheng sing 2 a dawng bawk.
Lawmman hlanna inkhawm hmanpuitu Information and Public Relations Minister Pu Lalruatkima chuan Mizoramah film siam lamin hma a sawn theih nan I&PR Dept leh film siamtute inkarah inpumkhatna leh thawhhona \ha a awm a pawimawh tih a sawi a. Film hmangin mi thinlung ram a lak theih a, sorkar pawhin a pawimawhzia a hriat avangin Ailawng-ah Film City din turin ruahmanna a siam a., mini theatre pawh sak mek a ni a ti.
I&PR Director Pi Lallianpuii pawh in thusawiin, Film siam hautak dan leh sum leh pai a ngaih tam zia ngaihtuahin intihsiakna-a film 24 zet a lut chu thil lawmawm tak a ni a ti.
