Indonesia sorkar chuan damchhuak zawn hna vawiin thleng hian thawh a nih tur thu a lo sawi tawh a, mi 100 vel chin hriat lohin an awm mek tih sipai thupuangtu, Muhammad Thohir chuan a sawi a, hmun pawimawh zual nia ngaih 8-ah dam chhuak an la zawn mek thu leh tun dinhmunah chuan dama hmuh tur an awm tawh meuh loa an rin thu te a sawi bawk a, khawl \ha leh lian an neih loh avangin in chim vel pawh hai a har sawt tawh hle tih a sawi bawk a ni.
Puan tawh angin Sulawesi-ah hian ram pawn lam a\anga \anpuina an mamawh loh thu Indonesia President Joko Widodo-a’n a lo sawi tawh avangin chhanchhuah hnathawk leh chhawmdawlna thil vel an indaih lo lehzual hle a, hei hi Widodo hian a sut leh hnuah, thlawhna eng emaw zat-in damdawi leh tarpaulin leh chhawmdawlna thil dang an phur lut tawh a, UN pawhin naupang chhawmdawlna atan US Dollar vbc 15 pek a tiam a, Britain leh Australia-te’n chhawmdawlna an thawn bakah Red Cross hnathawkte a hmunah an awm mek bawk a ni. Indonesia hi Muslim tamna ram ni mahse, Sulawesi thliarkar-ah hian hnam tenau zawk, Christian cheng an tam hle a ni.
