Puan tawh angin Sulawesi khawpui Palu-ah chuan chenna in a chim nasa hle a, inkalpawhna tam zawk pawh a chhiat vangin \anpuina leh chhawmdawlna pawh a thleng har hle a, hmun \henkhatah phei chuan dawr leh chhawmdawlna phurtu lirtheite pawh rawk a ni hial a ni. Hemi chungchangah hian thuneitute chuan pawi khawih zawnga che te chu police leh sipaiten man emaw kah phalsak an ni tih vawiin khan an puang a ni.
Thuneitute chuan mi 100 vel chin hriat loh an la awm mek niin an sawi bawk a, mahse hun a kal tam deuh tawh avangin nung dama hmuh tur an awm a rinawm tawh loh thu an sawi bawk a, chhiatna hrang hrang thleng hian naupang 6,00,000 vel a nghawng thu leh nu leh pa te thih vang emaw, an inhloh vanga naupang fahrah ta leh mangang tak tak an tam hle niin an sawi bawk a, heng naupangte hi an chhungte hnaivai hnena thlen tuma hna thawh mek a nih thu an sawi bawk a ni.
