Indonesia Police te chuan mitthi zat hi hospital report a\angin finfiah a ni tih an sawi a, mi 200 chuang an hliam bawk a, Social media pawh hmun \henkhatah chuan thu dik lo thehdarh a nih lohna tura khuahkhirh a ni. Police hotulu Tito Karnavian chuan police ten mipuite hnawhdarh nan silai pangngai an hmetpuak nia sawi chu thu dik lo a ni a ti.
National police thupuangtu Dedi Prasetyo sawidan chuan inthlan result puan hnuah mipui lungawi lo hian zan a\angin buaina an siam \an a, tharum thawh zawnga chein Jakarta-a police te riahna hmun leh lirthei te an hal a, police te nen inawrin mi engemawzat man an ni.
President Joko Widodo hian vote tla zaa 55.5 hmuin a vawi hnihna atan hnehna a chang a, amaherawhchu a tumpui Prabowo Subianto chuan result hi pawm lovin dik lo taka chakah a puh a ni.
