Indonesia-ah ISIS mi firfiak pawlte nena inzawmna nei school-a thawk eng emaw zat man

Indonesia rama school pakhat chu ISIS mi firfiak pawlte nen an inzawm tih hriat chhuah a nih avangin, mi eng emaw zat man an ni. He school-a zirlai pakhat, kum 11 mi chuan a pa, mi firfiak pawla a tel thin avanga lung-in tang mek a tlawhna-ah an zirtirtute’n Syria rama ISIS mi firfiak pawlte zawm tur leh martara thi turin an zirtir thin tih a sawi a, Syria ramah hian kal ve a duh thu, a pa pawh hi a hrilh niin police-te chuan an sawi. He thil hi an chhui chian hnuah, he zirlai, Hatf Sairul Islam hian kum 2015 khan he school-a zirlai dang pathum leh zirtirtu pali nen Syria ram hi an pan ngei tih an sawi bawk a ni. Indonesia hi Muslim ram zinga mihring tamna ber a ni a, tun hnaiah an rama mi 1,200 velin Islamic State mi firfiak pawl an zawm nia hriat a nih bakah, leh mi 500 chu Syria ramah an kal ngei tih an hriat thu, thuneitute chuan an sawi a, an ram chhungah hian Islam mite pual, school 30,000 vel a awm tih sawiin, heng zinga thenkhat chu Muslim sakhaw la vung zualte leh mi firfiak pawlten zuitu lak belhna atan an hmang thin tih police leh sorkar hotuten an sawi bawk a ni.