Indonesia National Search And Rescue Agency hruaitu, Muhammad Syaugi chuan heng taksa bung hrangte hi Jakarta khawpuiah DNA hmanga an nihna finfiah turin lak a ni tih a sawi a, ruang chhar tawh zingah hian nausen pawh a tel tih thuneitute chuan an sawi bawk a ni. He thlawhna, JT 610 hi a chetsual lai hian a chhungah mi 178 an chuang niin Indonesia National Transportation Safety Committee chuan a sawi a, tun dinhmunah chuan nung dama tumah hmuh an beisei tawh loh thu leh an mihring taksa bung hrang chauh an hmuh tam avangin thlawhna hi tuiah hian a tla na hle niin a sawi bawk a ni. Puan tawh angin thlawhna khalhtu pahnih zinga pakhat hi India mi a ni a, an mi phurh zingah hian Indonesia Finance Ministry hnathawk mi 20 bakah Italy mi thirsakawr khalh thiam, Andrea Manfredi pawh a tel a ni.
